Қостанай қаласында Қостанай облысынан 40 мұғалім спорттық робототехникаға оқытытылуда
2023 жылдың 26-28 сәуір аралығында Қостанай қаласында «Спорттық робототехникада роботтарды кең ауқымда қолдану үшін роботтарды бағдарламалау және олардың инженерлік компоненті» атты оқу-жаттығу жиындары өтуде. Курс облыстық мектептерден 40 информатика/робототехника мұғалімдеріне өткізілуде. Бұл оқытуды елордалық жетекші робототехника мектебі «Роботек» Қостанай облысы әкімдігінің білім басқармасымен бірлесіп жүргізеді, оның демеушісі Нұрсұлтан Назарбаев Қоры болып табылады.
Бұл курсты ірі турнирлерге командаларды дайындау тәжірибесі бар робототехника мектебінің жетекші сарапшылары жүргізеді. Спорт бөлімінің басшысы Айтжанов Олжас робототехника бойынша Қазақстан құрамасының жаттықтырушысы болып табылады, 21 жүлдегер команданы дайындады, ол өзінің спорттық бағытта жинақталған білімімен бөліседі. Курстың ұзақтығы-3 күн, 24 астрономиялық сағат. Таңғы 9-дан кешкі 6-ға дейін теориялық және практикалық форматтағы сабақтар өтеді. Оқу соңында әрбір қатысушы өзінің кәсіби біліктілігін арттырғанын растайтын сертификат алады.
«Роботек» робототехника мектебі бұл курсты 2022 жылы Астанада информатика мұғалімдеріне сәтті өткізді. 2022 жылдың тамыз айында «Роботек» Ақмола облысының оқытушылары үшін Көкшетау қаласында оқу-жаттығу жиындарын өткізді. Курс информатика мұғалімдері үшін пайдалы болды, олар өздерінің білім деңгейлерін көтерді және қазір облыстық маңызы бар мектептерде білім мен тәжірибе береді.
